Monday, December 15, 2008

بطــــــــــل مـــــن...ورق


منتظـر الزيــــدي

ترددت حوله الأقول مؤخرا ولفت انتباه العديد من أفرد الشعب العربي ونجح أن يحتل

عقارب ساعة الأحداث فما من موقع ولاجريدة إلا وتنشر خبر إعتداء الصحفي العراقي منتظر

الزيدي علي الرئيس السابق للولايات المتحدة الأمريكية ضربا بالحذاء وتفادي بوش له

_يظهر أنه متعود ع الرياضة دي من زمان_

اشتد الحديث حول هذا الصحفي وامتد ليشمل حياته الشخصية وعلاقاته بأفراد العمل

وصنع منه في خلال ساعات

بطل

ولكن للأسف,,, بطـــــل من ورق

نعم من ورق

أحسست بقبح من حولي في لحظة إذ نسينا أو تناسينا إخواننا المجاهدين في كل مكان يراق فيه

دم مسلم ..ونسينا قتلانا والشعوب التي حفرت أنهارا بدمائها ضريبة الإحتلال

واصبح حديثا الشاغل عن رجل كل ما فعله هوا خلع حذائه وتصويبه ناحية رجل آخر

ولعله يكون ظالم

فاعتدائه الآن لن يصبح إعتداءا لرئيس الولايات المتحدة ,أي أنه إعتداء علي شخص وليس منصب

فهل لي أن افعل مثله في لاطريق تجاه اي شخص يظلمني فاتحول لبطل في دقائق؟؟؟!!!

أهكذا كان يعامل رسولنا الكريم-صلي الله عليه وسلم- أعدائه؟.؟!!

وفي لحظة شعرت أن تلك البروباجندا التي احتدمت ماهي غلا بفعل فاعل لترسيخ ذا المعني في أذهاننا

ويصبح قذف رجل لعدوه بالحذاء هوا قمة المقاومة لدينا وأبهيي صورها

ونمحي من أذهاننا مصطلحات أخري كالجهاد والمقاومة والشهــــادة في سبيل الله

وردا علي أبي ذر الذي قالها علننا كلنا منتظر الزيدي

أقول آسفة

أنا لست منتظر الزيــــدي

ولن ألقب حذائـــه بالحذاء العظيم كما لقبه عبد الستار

ولن أشيد به مثلما فعل كامل الشرقي

فمادام لدي قلم ولسان وعقل افكر به لن أعجز لحظة واحدة وألجأ إلي حذائي

وليس هذا بتقليل من شأن شخص الزيــــدي

ولكنه فتور من ضجة ونار أشعلت بدون قداحــــة


وكما قال الفنان ممدوح عبد العليم

(مبيعرفــــــــش يوجفهييييه )


11 comments:

ديساروف said...

اختلف معك كليا
مينفعش نقلل من شأن الى عمله الصحفى العراقى و نقول دا مجرد شخص رمى حذاء على شخص
الجزمة لو جت فى بوش مش هتموته .. بس هتوصل رسالة بليغة جدا
ثانيا الصحفى دا حد يعرف هو فين دلوقتى ؟؟ انا اقدر اقول بكل أمانه انه محدش هيشوفه تانى
و ان كنا بنوصل رسالتنا بالكلمة و بالقلم .. فالجزمة ابلغ احيانا
:D

icehearted..gurl said...

إحم إحم

اولا حضرتك منور البلوج يا عمو

ثانيا: بغض النظر هنشوفه تاني ولا لا هوا عمل شئ يريحه شخصيا الله اعلم بمدي الغل اللي كان جواه فعلا
بس انا منساقش وراه واسقف واقول هيه
تفتكر حضرتك بوش واوباما حاليا محتاجين حذاء يوصلهم راسنا فيهم.؟؟؟
متهيألي لو دا الحل نشتري مصنع باتا ونطلع ع الكونجرس بقي مدمنا انخرسنا واتكتفت ايدينا...

Mona S said...

السلام عليكم
ازيك يا ايس
مش عارفة اقولك ايه بس الواحد اللي حاسه ساعت لما شفت الفيديو اني كنت فرحانه اوي ان بوش ده حس في لحظة بالرعب من حاجه في مقابل الرعب اللي عايش فيه كل عراقي بسبب افعاله
ويمكن سر تعظيم الناس للصحفي ده(وانا منهم على فكرة ) انه عمل حاجه وماخافش وبيتهيالي انه لو كان مسموح له الدخول للمكان ده بسلاح كان قتله وخلص منه لان النهايه في الاخر واحده ( ورا الشمس) بس كده

ديساروف said...

ما قلتش الحذاء هو الحل
ولكن الحذاء موقف شجاع يستحق التحية والتصفيق لصاحبه
انا برضه من مؤيدي وضع الامور فى نصابها لان فى ناس بتبالغ

icehearted..gurl said...

أنا معاكي يا مني

وزي مبقول الله اعلم الصحفي دا كان حاسس بايه وقتها ولا وكام فرد قتل من اقاربه واصحابه
بس اللي استغربتله رد فعل الناس اكثر من فعله الصحفي نفسها

تفتكري للدرجة دي وصلنا اننا نتقبل الوضوع دا وكأنه فمة البطولة؟؟؟

وتفتكري حتي لو قتله

دا بيقتل شخص عادي

مش بيتخلص من رئيس الولايات المتحدة

هناك فرق

الاقوليلي انتي مقاسك كام صحيح فلجزم :d??

Mona S said...

الدنيا كلها مآسي
روحي بقى ذاكي باطنه عشان شكلي هبلغ عنك

:P

dr_romaisaa said...

محدش ينكر ان ده موقف شجاع جدا ... لكن على مستوى فرد مش على مستوى أمة كاملة
يعني هو واحد عراقي شاف كتير من الامريكان اول لما شاف بوش دمه غلى راح ضاربه بالجزمة ..
لكن وبعد ؟؟؟
ليه محسسين نفسنا انه عمل اللي ميتعملش ... ليه بنقلل من قدرنا ونخلي جزمة تاخدلنا حقنا

الفكرة ان الاعلام بيحقر من بطولات او لا يذكرها اصلا ... ويحاول يقنعنا بأن الجزمة كانت الحل الفظيع لملاحمنا !!!!

icehearted..gurl said...

بظبط والله يا روميساء جبتي الجون اللي عمالة انبح صوتي فيه مالصبح
الاعلام هواللي عايز يقنعنا ان دي اعلي مرتبة من الدفاع والمقاومة ممكن نوصلها

icehearted..gurl said...

مني ايه يابنتي انا جراحة ...والجراحة ايه؟؟

راااااااااااااااااحة :p

my24434 said...

معترض مع حضرتك كليا

على الاقل هو اتحرك
كان ايجابي
بعت رسالة للعالم كله
احنا مش عايزين بوش
و مش راضيين عن سياساته

حضرتك لو فتحتي ال بي بي سي
ها تلاقي كلام مكتوب في حق الراجل ده جامد جدا

من ضمن الكلام اللي كان مكتوب

ان الصحفي ده رمى الجزمة على بوش
وذلك الشيء يعتبره العرب اقصى درجات الاهانة


الراجل ده عمل حاجه الدول العربية كلها ما قدرتش تعملها

على الاقل في ضوء امكانياته


الراجل ده عمل حاجه في 80 مليون مصري نفسهم يعملوها
:D

و مش مع بوش بس
:D

icehearted..gurl said...

اعتراض حضرتك مش مقبول :p :p

تاني مرة حد هيعارضني من مثلث برمودا هتتحذف تعليقاتهم فورررررا :p :p