Thursday, September 6, 2007

eltag..tagyy.asdy tanyyyyy

السلام عليكم يا أهل السلام
عارفه عارفه..زهقتكم من البوستز اليومين اللي فاتوا دول...بس حكم القوي بقي...لازم
أجاوب علي التاج التاني اللي باصاهولي دكتــــــور عمرو....ونبتدي السلخانــــــــــــــــــــه
1_أنت مين؟
ضحي..ولو عيزين تفصيل اكتر....كائن يعيش ويتعايش..اتخلق في الدنيا دي من 21 سنه
و5 شهور و 25 يوم و11 ساعه..بتحاول تتكيف مع مخلوقات سميت بالبني أدمين
مين اكتر 6 شخصيات بتحبهم؟؟
أنا...أمى..ميمو..سالي..سيدنا عمر بن عبد العزيز وباباشارو..
أنت سعيـــــــد؟؟
لأ طبعا..أنا سعيـــــــــــده...اه..جدا كمان وازعل ليه يعني
أيه فدنيتنا دي يستاااااااااااااااهل اني اتعب العضله المسئوله عن التكشير
ولوني مش فاكره اسمها فرونتالس ولا ايــــــــــــــه.......
لو اجتمعت مع حسني مبارك في غرفه واحده؟؟؟
اكيد اكيد اكيد يعني...هفتح الباب وهخرررررررررررررررج
دي كدا خلــــــــــــوه ياباااااااااااااااااااااااااااااااا
انا مش بتاعت الكلام دا...ان شاء الله تقولولي حتي رئيس مراجيح مولد النبي....
انما يعني لو قصدك هيكون مخرج البرنامج قاعد ممكن افكر......تعرفوا اني فعلا مره بعت
جواب عشان اعمل انترفيو لسياده الريس..[س فعلا نسيت اكتب بياناتي
عااااااااااااااااااااااااا.......كان نفسي أوصله حاجات..كان نفسي كام أوصل
منه فحاجات..يلا ادعولي بقي ومتنسوش العيش والحلاوه....
او معاكي مليون ونص تعملي بيهم ايه؟؟
أكيد هفكر ازاي يكون معايا عشرييييييييييين ..يبنتي ونتي شيفه مليون ونص دول رقم كبير؟؟؟...اه أقرع ونزهي زي مبيقولوا...هطلع حق الناس منه...وهحاول
اورزعه ع الناس اللي حواليه.أوحتي هديهم لماما تعمل بيهم حاجه كان نفسيها فيها
أوىىىىىىىىىىىىىىىىىى
بتحبي مصر؟؟؟
زي مبحب أمى.......
بس مبحبش المكونات الاساسيه لمصر
وهيا للأسف المصرييين..لامؤاخذه يعني d:d:D
بتحبي البنـــــــــات؟؟؟
بصراحه .......لأأأأأأأأ..متبصيش كدا
انا فعلا بلاقي عيوب كتير جدا في صحوبيه البنات وزي مبيقولوا تنتهي صداقه
البنات عندما يبدأ التنافس..كمان مبسوطه كتير أني مش ليا اخوات بنات
لاني بصراحه بغير جدااااااااااااا..وبحبش حد يشاركني في حاجتي وفي الدلع وكدا يعني.
أنتي مسلمـــــــــه؟؟؟
مسلمه بأيه بظبط؟؟؟
ليــــــــــــــه؟؟
منا مفهمتش السؤال الاولاني
مين أكتر شخصيه متقدرش تستغني عنها فحياتي ؟؟وليه؟؟
ماما...ومتضحكوش لما اقولكم ليه؟؟ لان هيا فعلا اللي متقدرش تستغني عني..معتمده
معتمده عليا فككككللللللللللللل شئونها عشان كدا هياللي مليه حياتىىى
اكتر موقف محرج مريت بيـــــه؟وليه؟؟؟
طب ليه بس كدا :p :p
ماشي ماشي هقول خلاص محدش يزق....كان ساعتها عندنا مؤتمر من
5 سنين كدا
كان عن استضافه مصر لكأس العالم 2010
وكوننا مستضيفين كابتن محمود الخطيب وكان كمان المؤتمر موذاع ع الهوا
ومحسوبتكم هيا الاورجنايزر وكنت بقدم المؤتمر دا
وبعد مالمؤتمر مر بسلام الحمدلله
لقتني مطلوبه عند مكتب مدير الاتحاد في مصر
يلهوىىىىىىىىىىىىىىىىىىىىىى
اتالري ضيف المؤتمر كان كابتن شوبير مش الخطيب
ونا عماله ارحب
بالخطييييييييييييييييييييييييييييب
واهلل للخطيييييييييييييييييييييييييييب
كان شكلي............خالصصصصصصص :d :d :d
ايه الالامنيه اللي بتدعي ربنا ديما يحققهالك؟
أني اموت شهيده فيوم جمعه ويكون علي جبل عرفات كمان
أه وماله طماعه طماعه ..أطمع في ربنا احسن مطمع في زوال الدنيا
سبونى بقىىىىىىىىى أخد نفسىىىىىىىىىىىىىىىى
مبسوط يا دوووووووووووووووووك.؟؟؟؟؟؟؟؟؟؟؟؟؟؟

اليــــوم التـــاني..منشفه الانترفيو..وأصادقاء فوريفررررر

الســــــلام عليكـــــــــم يـــــــــا أهل السلام
انا بكتب الحلقه دي..ونا حسه بالشماته في عينكم..عجبكم أوي اللي حصللي
الحلقه الاولانيه وجيين تكملوا بقيت الشماته..أنا بقي مش ههتم برأي الحقودين
أمثالكم وهكمـــــــــــــــــــــــــــــــــــــل...
احنا كننا وقفنا فيـــــن؟؟ فيــــــن؟؟فيـــــــــــــــــــن؟؟؟
أيون أول مخرجت من الانترفيــــــــــــــــــو...لقيت العيال مستننينني برا
أه انا نسيت اصلا اقولكم علي الشخصيات اللي اتعرفت عليهم هناك...عبد الرحمن
أخوه يحيي...عبد الرسول وكمان احم....بس ركزوا اوي في أول اسمين
دول لان كان ليهم باااااااااع طويــــــــــــــــــل في انهي اكره نفسي في الراديو احيانا
أو اني ارجع تاني بعد متقمص :d:d:D
لا مؤاخذه يا لحيا انتا وعبـــــــــــــــودي...ههههههههههههههههههه
المهم انا قفلت الباب ورايا لقتهم فطسوا علي نفسهم من الضحك .قلت لنفسي
مالهم الهبل دول؟؟؟...وبعدين افتكرررررررررررررررررررت
دأنا شكلي ونا خارجه كان بيفصح عن معركه تحرير سينا ولاحتي ماتش بوكس
كنت كأني نازله من الحنفيه جاهزززززززه...
لقتهم بقولولا ها عكيـــــــتي الدنيا؟؟؟؟ كانوا بقي بيقولولي الجملتين دول
وهما بيفوقوا يحيي...أصل يحيي دا بقي هواللي كان في الانترفيو قبلـــــــيىىىىى
بس نقول ايه بقي..؟؟..مبخدش عظه من اللي قبلي أبدااااااااااااااااااا
وطبــــــــعا بعد مخدتلي كلمتين تريقه لملمت ذيول الخيبه...وجررررررريت
جرررررري علي بيتنا..أبوس أيد أمىىىىىى..وأقولها خلاااااص توبت
هبقي بنت زي كل البنات.....كالعاده يعني...في الدراسه هذاكر بس..وفي
الاجازه هسهر قدام التليفزيون زي الستات المطلقه وهروق الشقه وبس
لا وكمان طلعت كتب الماده اللي كنت مأجلاها وابتديت اركز في الطب..علي راي
دكتور كول يا ناكر خيري..يا عارف مش عارف ايه زماني من زمن غيري
وقلت خلاص هرجع تاني بنت مصريه عاديه شرقيه سلبيه...
بلا طموح بلا هبــــــــــــــل..متتخيلوش حالتي كانت عمله أزاي ونا الايام بتمر
بيا يوم ورا يوم..وكل شويه اعرف انهم اتصلوا بحد يقولوله أنه اتقبل..وخصوصاااااا
الواد يحيي وعبد الرحمن اللي كل شويه يحرقوا دمي ويقولولي انتي فاشله
هما خلااااويص اتصلوا بكل اللي عايزينهم يشتغلوا معاهم وبس
حالتي كان يرثي لها لدرجه اني فكرت اني احول كليه الاعلام عشان المجال
يتوسعلي اكتر او احسن من نفسي لو كنت فاشله اعلاميــــــــــا ورحت فعلا
بكل هدوء وبخطي ثابته خصوصا بعد معملت استخاره...وقفت قدام الست اللي
في شئون الطلبه عندنا
السلام عليكم
ايوه يا دكتوره ..أفندم؟؟؟
عايزه احول مالكليه لو سمحتي
ماشي..اسنان ولا صيدله
اعلام
نعـــــــــــــــــم
اعلاااااااااااااااااااااااااااااااااااام يا مداااااااااااااااااااااام
اعلام ايه يبنتي هخف0984عنةرنبتبعبععبتبكتجاغحخمفمفمممفمف
حد فاهم كلام من دا؟؟؟
ولا نا حتي ...انا فوجئت بسيل من اللوم والتهزيق والتريقه والضحك ويابنتي
هواحد لاقي..هوا حد عارف يجيب مجموع..هواحد عارف يحجز شقق
ولوني مش عارفه ايه دخل الشقق في موضوعي دا
بس بعد مخلصت قصيده التريقه والتهزيق قلتلها
لو سمحتي عايزه احول اعلام
وطبعا بمنتهي الثقه والالاطه برغم نظرات السخريه والهمس واللمز اللي حستهم
هيخررررررررقوا قفايا ونا وقفه من ورايا....المهم عرفت اني اروح مكتب التحويلات
اللي في الجامعــــــــــــــه
رحت
قدمت طلب
والمفاجـــــــــــــــــأه
اترفض
ايوه اترفض تخيلوا ليــــــــــــــــــــه؟
مجموعي مجبهاش..تخيلوا ؟؟عاااااااااااااااااااااااااااااااااااااااااااااااااااااااااااااا
بتنسيق سنتي كانت اعلام وخده من علمي اكبر من مجموعي بدرجه
عاااااااااااااااااااااااااااااااااااااااااااااااااااااااااااااا
ياشماته أبله ظاظا فيا
عاااااااااااااااااااااااااااااااااااااااااااااااااااااااااااااا
رضينا بالهم والهمش مش.عاااااااااااااااااااااااااااااااااااااااااااااااااااااااااااااا
رجعت بس ململمتش اذيال الخيبه أني مووووور ..مخلاص مبقاش فيه اديال خلاااااااص
رجعت ونا مكبوووووووووووسه نمت
نمت كتير؟؟؟؟
3 ايام بس
وصحيت علي تليفــــــــــــــــون
ألو؟..انسه ضحي
أيوه
حضرتك اتقبلتي في تيست الاعداد والتقديم بتاع المذيعين
أفندم؟؟؟؟؟؟؟؟؟؟؟؟؟؟؟؟؟؟؟؟؟؟؟
لوولولولولوولولولوولووووووووووووىىىىىىىىىىىىىىىىىىىىىى
تصدقوا بالله ..؟؟...والله وما لكم عليا يمين
قعدت اتنطط زي العيال الصغيرين في الصاله ...ههههههههههههههه
هيييييييييييييه هيييييييييييييييييييه هييييييييييييييييييييييييييييييييييييييه
هشتغل موذيحااااااااااااااااااااااااااااااااااااا....وشغلت اغنيه يا صحابي يا اهلي يا جيراني
انا عيزه اخدكو في أحضاني...والله ساعتها فعلا حسيت بقيمه الاغنيه دي
حسيت الدنيا حاجه صغيره اوىىىىىى ومرميه جوا كفي...أه والله
مفرحتش ونا دخله كليه الطب بعد ثانوي زي مفرحت في اليوم دا
يلا مش هطول عليكم اوي فاليوم دا لاني من الفرحه مش فاكره بظبط انا عملت أيه؟
نلتكي الحلقه الجيـــــــــــــــــــــه مع تدريب الموذيعيـــــــــــــــن
وداعا أعزائي المشاهـــــــــــــــــديـــــــــن..
أأأأأأأأأأ...........أأأأأأأأأأأأأأأأأه اه طيب يا سيدي متزقش
أعزائــــــــي المستمعيــــــــــــــــــــــــــــــــــــن

Wednesday, September 5, 2007

اليوم الأول.مغسله الانترفيــــــووو..مين هيغسل ومين هيعصر؟؟

الحلقـــــــــــــــــــــــــــــه الأولــــــــــــــــــــــــــــــــــــى
مغسلــــــــــــــــــــــــــــــه الأنترفيـــــــــــــــــــــــــــــــــــو.....مين
هيغســــــل ومين هيعصــــــــــــــــــــــــر؟؟؟؟
متضحكوش علي أذا قلتلكم أن مين هيغسل ومين هيعصر كان أهم سؤالين بيسألوهم
لجنه التحكيم لبعض
اه منتو لو شفتو البصه اللي انا شفتها أول مدخلت....كنتم حسيتم انهم لسه بردين
سنانهم عند الراجل
اللي بيسن السكاكين دا..وركنين الشوكه الحمرا تحت المكتب..وقدامهم 3 دقايق
وهيركبوا المقشه وهيطيــــــــــــــروا
حسيت للحظه انهم سمعين كل اللي بيدور جوايا من نحيتهم..دا طبعا حسيته
من نظرتهم
اللي كل شويه بتتسائل
هاااااااااا مين هيغسلها....؟؟؟؟؟ومين هيعصرهاااااااااا؟؟؟؟؟؟؟؟؟؟.
بقم هما يبصوا...ونا أبص هما يبصوا وأنا أبص..حسيت اني فمهرجان البص الدولي
علي
رأي واحده صحبتنا...لالالالا اجمدي يابت يا ضحي..لازمن تشكميهم من أولها
بس للأسف نتيجه المهرجان كانت محسومه من أولها وطبعا لصالح......بفرق نقاط
رقم كبيـــــــــر أوي مش هلحق أقوله من كتر الاصفار اللي علي يمينه
وفجأأأأأأأأأأأأأأه لقيت صوت بيندهلي
اتفضلي يا دكتوره
دكتوره؟؟؟ شهقه عميـــــــــكه....دكتوره مين يا عم
انتا بتكلم مين
بكلمك انتي يا فندم
انا متشكر جدا وسعيد ان حضرتك شرفتينا في المحطه هنا
مش عارف من غيرك كوننا هنذيع أزااااااى؟؟؟؟؟؟
أحم..أحم طبعا طبعا..أنا تحت أمر الجماهير
خشىىىىىىى يا أنسه واقفلي الباب وراكي وخودي المايك دا وسجلي فيه
بياناتك بصوتك لمده دقيق وبسرررررررعه..مش كفايه متأخره تلات دقايق
أيه دا أيه دا يا دودو تقريبا انا كنت بحلم في الاول.....اه ايوا ايوا
الحلم دا انا حلمته امبارح ولسه كنت عيشه فيه وفقت علي جززززت سنان الراجل
وهوا بيقوللي اقفلي الباب وراكي
دا بقي يبقي استاذ وجيــــــــــــــــه.....أحفظوا بقي الاسم دا كويسسسس أوي لانه
هيكون ليه بااااااااااااع طويـــــــــــــــل في مشواري المستكبلي...
المهم..دخلت وقفلت الباب ورايا وومسكت المايك
وقلت...أيوا قلت دنا قلت قوالاااااااااااااااااا.....
قلت:..................قلت ايه؟؟؟
يالهوي
اسمــــــــى..أأأأأأأأأأأأ.....أنااااااااااا....كنــــــــــــتتتتتتتتتتتتتتتتتتتتتتتتتتتت
هوا فيه أيه؟؟؟؟..نسيت اسمى يا جدعاااااااااااااااااااااااااان..أول القصيده كفررررررر
قعدت اسمي واسمي واسمي بسم الله الرحمن الرحيم...فين وفين اتلميت علي أعصابي
ولسه بقول
لقيت العصيررررر..لالالالا هما مش جابولي حاجه اشربها...انا قصدي العصيررر..يعني
الراجل اللي عليه الدور عشان يعصر..بصللي وقاللي...ستووووووووووووب
قولي نشره اخبارررررررررررر حالااااااااااااااا
نشره اخبار؟؟؟؟ بسيطه...نشره اخبار :d
طبعا مش هقولكم الوش الجبس طلع لان الوش الاولاني كان حديد صلب...فلكم أن تتخيلوا
الوش الجديد اللي طلع مصنوع من أنهي ماده خااااااااااااااااااااام
نشره ايه يا عم؟؟؟ رحت مسكت المايك وبمنتهىىىىىىىى الثقه قلت اخباري انا وصحابي
ههههههههههههههههههههههههههههههههه اه واللله
بصولي حتت دين بصه....بس الحمدلله ولا حد رقعني قلم ولا حد اتوصي
المهم بقي كان قاعد في لجنه التحكيم واحد اللي هوا جبني اساسا الانترفيو..لأ وقال أنا كنت
مش عارفه اشكره أزاي ع الفرصه دي لحد طبعا مدخلت المكتب...انما ونا جوا كنت كللللللل
شويه افقع بصه مابين اللوم وبين التحايل وبين ارحموني وبين انا عاوزا اروح
لمامااااااااااااااااااااا........عاااااااااااااااااااااااااااااااااااااااااااااااااااااااااا
وطبعا انتم فهمين اللي حصل بعد كدا في الانترفيو سواء في تسجيلات..ولا معلومات عامه
ولا مواقف محرجه...زي مثلا لو دخل عليكي كلب في الاستديو ولا موبايلك رن هتعملي ايه
ولا لو حد عاكسك في تليفون ع الهوا وكدا يعني...
المهم اني بعد كووووووووووول دا
بجد بجد عرفت والله قيمـــــــــــــه الطــــــــــــــــــــب
وجت اللحظه اللي قالولي فيها
اتفضلي
الانترفيو خلصصصصصصصصصصص
ياااااااااااااااااه..أشهد أن لا أله ألا الله
طلعت أجرررررري ونا عماله اقول ان شاء الله يا بت يا ضحي هتكوني دكتوره
شاطره..اه خليكي واثقه فنفسك...انا باكينام ونا ماسكه فنفسي
وهحضر ماجستير
وهبقي غنيه
واشتررررري الاذاعه المصريه كوللللهااااااااااااااااااااااااااااااا
اه اومال انتو فكرين هاخد بتاري أزاي
بعد مكنت لما حد بيسألني هتتخصصي فأيه
اقوله هوكي والعاب قوي
من كتر كرهي للطب
يلا خير
فكرتوني بالذي مضي
اشوفكم بقي الحلقه الجيه
مابعد الانترفيو وشماته أبله ظاظا فيااااااااااااااا

يــوميــــــــات موذيحـــــاااا


أعزائـــــــــــــــــــــــــــــــــي المشاهديـــــــــــــــــــــــــن


cuttttttttttttttttttttt


طااااااخخخخخخخخخخخخخخخخخخخخخخ




وبعدين يا أوستاذااااااااا كل شويه هنعيد...




قلنا مستمعين..مستمعين..مستمعيــــــــــــــــن




احنا شغاليــــــــــن في الاوذاعاااااااااااااااااااا




وأذ فجأأأأأأأه...أصحي من النوم






هههههههههههههههههههههه استنوا استنوا بس




الحلم دا فعلا كان طول عمره بيراودنى...مش عارفه ليـــــــــــــــه؟؟؟




كنت طول عمري لما اسمع اي برنامج اجررررررري بسرعه اجيب الكاسيت بتاعي




واسجلها بطريقتي..اقولكم ايه ولا ايه عن الشرايط اللي بسجلها واللي محدش يقدر






يلاقي بلاطه في أوضتي فاضيه من الشرايط دي






المهم فضل الحلم قدامي يكبر..ويكبرر..ويكبرررررررررررررررر




لحد مبقتش قادره ارسمله حدود ولاحتي اشوفه بعنيني الاتنين




وأذ فجأأأأأأأأأه مره تانيه حسيت أن الحلم دا داس عليا بالاوي




فعصنــــــــــــي تقريبــــــــــــــــــا




طب أسألوني ليـــــــــه؟؟؟؟




أقولكم ليه....حسيت بالصدمه دي اول ملقيت مكتوب في بطاقتي




طالبــــــــه بكليـــــــه طب قصر العيني....




ومتسألونيش دخلتها ليه ولا ازاي؟ ولا امتي؟




شوف بردوا سمعه واحد رخم من هناك بيسأل نفس السؤال دا




المهم نرجع لموضوعنا بعد محسيت بالصدمه حاولت اتكيف علي رأي عبد الوهاب




المسيري ...بس برضوا...مقدرتش يا بشرررررررررر




اللي بقي محدش يعرفه ....فبير يعني بقي




أن من كام يوم كدا الحلم دا رجعلي تاني




بس المره دي مش حلــــــــــــــــــــــــــــــــــــــم




لالالالاالاااااااااااااااااااااااااااااااااااااااااااا




المره دي علــــــــــــــــــــــــــــــــــــــــــــــــــم




أيوا علم




باركولي باركولي باركولي بسرعه




أصل من كام يوم كدا لقيت أعلان عن محطه أذاعيه جديده




قدمت فيها




وعملت أنترفيو




ونجحت كمان




ايوا نجحت




سمعيني زغروووووووطه يا بهيه




بقيت موذيحاااااااااااااااااااااااااااااااااا




وهقولها




هقولهـــــــــــــــــا




أعزائـــــــــــــــــــــــــي المشاهديــــــــــــــن




قق.....ٌقققققققق.......ققققققققققققققققققققصدي




المستمعيـــــــــــــــــــــــــــــــــن




هقولها من غير cuttttttttttttttttttt




امنيتي الحمدلله اتحققت




من فرحتي حيبت أشارككوا في فرحتي




قررت ادون مذكراتي زي مشاهير النجوم كدا ..أحم...أحم




ودا لما لقيت الموضوع فعلا جديد عليا جدا




ايه الناس دي كلهاااااااااااااااااااا




ايه الترتيب والنظام دا كلوووووووووووووو




استنوني في أول حلقه من يوميت موذيحا




والحلقه الاولي...




مغسلـــــــــــــــــــــه الانترفيـــــــــــــــو







الله يسامحــــــك ياللي فبالــىىىىى

الله يسامحك ياللي فبالىىى
التاج دا لسه جيلي حالاااا من الاخ عمر او دكتور كول صاحب مدونه بأدن في مالطه
نبدأ علي بركــــــه الله
اسمك؟
ضحي
سنك؟
هوا صحيح عدي ال 21 بس بردوا هفضل متمسكه بموقفي واقول 21 سنه لمده
عشر سنين قدام :p
برجك؟
حوتـــــــه..وبالصيني..نمرة
مجال دراستك؟
حاجه كدا بيسموها طب...تقريبا يعني
أصل أنا وخداها منازل
أسم مدونتك؟
يا سيدي أمسح النظاره وهتلاقيها فوق أهيه
NaMElESS
لماذا اخترته وماهي نيتك من اختياره؟
متهيألي هوا باين أني كنت محتاره اوي في أسم
وكمان كنت بدور علي اسم ميكنش محدد
بصراحه مكنتش حطه فبالي اني ادي لحد اللينك أصلا
كنت حبه اني اعملها ليا انا بس.خصوصا بعد مزهقت
من مدونتي القديمه وكان أسمها ظفر مسنون وغيرتها بعد
كدا لمتيجي نخاف..استنوا استنوا متدوروش
انا مسحتها خلاص :p :d
صورتك الرمزيه في المدونه بتعبر عن أيه؟
ببساطه it's me
دي صورتي وحده صحبتي خدتهالي ونا كنت في التمرين
وركبتلي عليها صوره حصان بيجري
ديما بتقولي عمرك مبتتهدي أبدا يا دودو :d
هل فكرت في أغلاق مدونتك؟ والسبب؟
الحمدلله لسه والسبب اني قفلت القديمه خلاص
أيه رد فعلك لو حد قل أدبه في التعليق؟
أذا كان تطاول في الرأي اكيد هحترمه واحاول ارد عليه
بمنطق بحيث يحرج من نفسه ومن اللي عمله أنما بقي لو تطاول
بالالفاظ همسح التعليق لأن الشخص دا هيكون أقل من اني أرد عليه
احم..احم..دا طبعا عشان الكاميرات...بعد كدا هجيب الاي بي بتاعه
وادمرلوا كل حاجتووووووو..نيـــهعهعهعهعهعههعهعهعههع
بهزر طبعا
أسوأ مدونه؟
لحد دلوقتي اعتبرها بتاعتي
هيحصل أيه للايميل لما تموت؟؟
أكيد محدش هيعمله اكتفيشن وهيتقفل..بس تصدقوا انكم فكرتوني بحاجه مهمه جدا
انا ديما بوصي ماما تعمل ايه فحاجتي وهدومي لما أموت..بس عمري مفكرت
فممتلكاتي الاكترونيه زي مبيقولوا..
أديت الباسورد لحد قبل كدا؟
كتيــــــــــــــــــر
السفر بالنسبه لي؟؟
أوكسجين نقي جدااااااااااااا
ال mood بتاعك أيه؟
مجنونـــــــــه
متبصووش كدا دول الناس اللي اعرفهم بيقولولي كدا
ولونهم بيقعدوا يقولوا متزعليش احنا مش قصدنا نشتم
بس أكيد كل دا هبل لان اكيد بردوا مش قصدهم يمدحوني مثلا
بتعملي أيه فأوقات فراغك؟؟
معنديـــــــــش ومتهيألي لو عندي اكيد مش هعمل فيه حاجه
أصل ناس كتير بتفتكر ان وقت الفراغ دا مثلا الوقت المخصص للهوايات
بس أنا رأيي ان وقت الهوايات دا حاجه اساسيه مش فراغ ولا حاجه
الأكله المفضله؟
ياااااااه كتير زي المسقعه.ورق العنب.الايس كريم والشوكولااااااا طبعا
الصفات اللي أخدتها من والدي؟
الشكل,الهدوء.او البرود زي مماما بتقولي..هههههههههههه
ااه وكمان الاسراف الي حد ما وحب السفر
الصفات اللي أخدتها من والدتي؟؟
للاسف كوووووووووووول حاجه ماعدا الشكل
روح القياده والاعتماد علي النفس
أكتر ست حاجات بكرهم؟
العجز,المرض.النفـــــــــــــاق,الشمس,الخيانه
وكمان الاستهتار
لماذا دخلت عالم التدوين من الاساس؟
هاااا؟؟؟؟؟
أحلي جمله قيلت في وصف مدونتك؟
ربنا يكرمك ويوفقك
أهم التعليقات بالنسبه لك؟
اكيد كل تعليقات اصحابي لان دول اكتر ناس بحرص علي رأيهم
أحلي بوست كتبته؟
ملكش فيالسياسه؟ كدااااب,..عفواا
أفضل مدونه قرأتها؟
عايزه اتجوز
أفضل بوست قريته؟
كان في نفس المدونه اسمه كيف تصطادين عريسا..
لالالاالالا متفهموش غلط..دي ثقافه عامه يعني
الشغل بالنسبه لك؟
لو قعدت فاضيه ....هختفي..لحد مكون شغلي الشاغل وهوا بيتي وأسرتي
الانترنت بالنسبه لك؟
أيشي خياااااااال يا ناس..بيساعدني كتير جدا اني انجز حاجات كتير
فوقت صغير وخصوصا شغلي في الاذاعه اللي التحقت بيه من فتره صغيره
أكتر صديق بتحبه؟
ميمو
تمرري التاج دا لمين؟
ليسرا الهواري