Wednesday, November 7, 2007

التدريب الأول.نشره الأخبارررر

السلام عليكم يا أهل الســـــــــــــــــــــلام
أتأخرت عليكم؟؟...معلشي معلشي أصلي مفحوته اليومين دول في الكليه..يلا أهو شر ولابد مننه
كننا وقفنا أخر مره لما كلموني وبلغوني فيها أني اتقبلت وقالولي كمان ع المعاد اللي لأروح فيه أول اجتماع
_رحت ونا لسه بغني يا صحابي يا أهلي يا جيراني..._هنزل أخر السور ياسطه لو سمحت
أنا عايزه اخدكو في أحضانىىىىى.......معلش اصلي قطعتها في النص عشان السواق كان فاتح ع الرابع ولازم انبهه
قبلها...دا طبعا بعد منقيت انضف تاكسي فيكي يا مصر وخدت الحته الزفره وخرجت...وطول منا في الطريق
أتخيل ديكورات مكتبي اللي هعملها بأذن الله لما أمسك أذاعه مونت كارلو في فرنســـــــا... وبفكر أزاي كمان أقدر أرجع
أكمل كورسات الفرنساوي اللي تقريبا قطعتها من فتره كبيره لما جالي أحباط وقلت بلا اذاعه بلا مونت كارلووو
وأذ فجأأأأه..حانت اللحظه ووصلت ..رجل تشلني ورجل تحطني..مش عارفه أدخل اقول سلامو عليكم ولا عليكم السلام
دخلت لقيت ناس كتيررررررررر كلهم تقريبا أصحاب ونا قعده زي الموبايل اللي فاصل شحن..بالرغم من أني بتصاحب
ع الناس بسرعه الا انهم مكنوش مديين فرصه لحد يدخل فيهم._بس الحمدلله يعني دلوقتي تقريبا كلهم أصحابي ومقربين جدا ليا _
وخصوصا كمان أن انتمتي لما دخلت الراديو سافرت بعدها فكنت قاعده مع نفسي..وقلت فعقل بالي انا لازم أعرفهم انا مين
وفجأه اتمليت بحماس النمر الاسود..ولقتني بدلت أغنيه ياصحابي يا اهلي يا جيراني بأغنيه أتقدم..تيرارارارااااااااااااااا
أتقدم.....تيراراراراااااااااااا
أتقدم..أتقدم وكفايه خلاص تتندم..تيراراراراررااااااااااااااااا
واتمليت بالحماس وكانت ناقصه بس الفرصه..لقيتهم بيقولوا هنعمل فويس تيست تاني دلوقتي علي فكره برنامج كامله وكل جروب من 4
أفراد وهيسجلوا كمان 5 دقايق بالظبط....أبدأوووووووووووووووووووووو
ايه دا ايه دا الفرص هجت بسرعه كدا ليه..سبحان الله لقيت نفسي في خلال3 دقايق كاتبه حلقه كامله من فكره برنامج هبطت عليا من السماء
يمكن البرنامج دا دلوقتي اكتر برنامج مسجلين منه حلقات...وقمت سجلتها علي طووووووووووووووووول
وجيت تاني يوم حطه أيدي علي قلبي وفوجئت بالناس كلها قاعدين يسالوا علي ضحي....مش عارفه ليــــــه؟؟؟
ضحي....ايه دا..ايه دا ايه دا؟........اممال انا ميــــــــــــــــــــن؟
دنا.........مالها ضحي عملت ايـــــــــه؟؟؟ فوجئت بأني جيبه اعلي سكور للفويس وللاعداد ولفكره البرنامج كمان...
متتخيلوش وقتها نظره الشماته اللي كانت فعيني للدنيا العجيبه دي اللي لعبت بيا ورمتني في مجال الطب وقالتلي العبي ياشاطره...
كنت بقلها أديني هنا هووووووووووووه..وبطلعلها لساني زي العيال الصغننين...
ولقيت كمان ناس بتتكلم عن البرنامج دا وميعرفوش حتي اني ضحي...بجد كنت عايزه وقتها اسجد لربنا زي مبيعمل أبو تريكه
بس قلت أأجلها شويه لما اروح...المهم انا بعدت كتيررررررر أوي عن الموضوع بتاع التدريب..كان يومها هنبدأ أول يوم في التدريب
المشكله ان النشره الاخباريه هيا الفقره الوحيده اللي مستحيل تتسجل..ولازم تبقي مذاعه مباشره يعني فيما معناه أي حد لازم يكون
مدرب كويس جدا علي أعداد النشره لانه ممكن يعدها فاي وقت يكون موجود فيه في الأذاعه وبعد مفهمنا شويه مبادئ كدا في النشره
وطبعا لاتخلو من الاسفينات..يعني مثلا اكون بتدرب علي اذاعه النشره الاقي واحد داخل في اتصال تليفوني يهرررررج
طبعا هتقولوا هوا فيه اتصال تليفوني في النشره؟؟..دا طبعا خدعه منهم هما عشان يشوفوا سرعه التصرف فينا
المهم بعد مخلصنا كان لينا تدريب صغير كدا علي مراسلين الاخبار وكيفيه الاستماته عشان يطلعوا الخبر لان
مراسلين الاخبار ليه طبع خاص أنهم كمان بيكونوا شغالين لايف فبيكون الموضوع صعب حبتين..المهم
اتكلفنا انا ويحيي اللي كان داخل قبلي فالانترفيو أننا نجيب بيانات بخصوص كذا كذا من الاستاذ وجيــــــــــــــــه اللي كان بارد سنانه
في أول انترفيو...وكان قدامنا 3 دقايق بس أمام فريق أخر.......طبعا جريــــــــــنا علي مكتب أ.وجيه..لقيناه موقف الواد وليد اللي معانا
اللي يتفصل منه تلات دواليب بودي جارد علي باب الاوضه وكلفه بمهمه واحده بس انه ميدخلوش حد مهما كان التمن
سمعتوا الكلمتين دول...؟؟؟ بس حطوا الف خط بقي تحت جمله مهما كان التمن دي.....
يابني يهديك يرضيك
أبداااااااااااااااااااااااااااا
طب سندوتش مربي ودخلني
أبداااااااااااااااااااااااااااااااا
منبي يا بني منبي
ابدااااااااااااااااااااااااااااااااا
ندهت ليحيي وقلتله انا عندي فكره انا هعمل جنبي واجعني أوي واصووووووووووت ونتا اجري ع الاوضه وخش علي وجيه
بس للاسف الواد الحيطه دا مكنتش عينه اصلا بتنزل من ع السقف عشان يشوف البني أدمين اللي زي حالاتنا ع الارض
المهم يحيي قاللي ابعدي انتي واول متشوفي الباب فاضي اجررررررررري بسرعه خشي
قلتله لا يا يحيي احنا عيزينك معقوله هتطخه عشان احنا مستعجلين؟؟
قاللي ملكيش دعوه نتي بس اجري علي طول
وأذ هجأأأأأأأأأأه شفت حتت منظر كوميدي قدامي ان يحيي شال الولد دا اصلا ونزل يجري بيه ع السلم
ياربـــــــــــــــــي.كأن فأرا جري من تحت الهرم شاله وجري بيه
وبالرغم من أني مش قادره امسك نفسي من الضحك جريت بسرعه ع الاوضه وترررررررربست الباب ورايا بالمفتاح
وبصيت لوجيه وقلتله
وقعت ولا الهوا رمـــــــــــــــاك
أفندم؟
للالالالااااااااااااااا مفيش حاجه انا فلانه من اذاعه فلان وجيه أخد من حضرتك بيانات بخصوص فلان
ونتي اذيك كدا؟
الحمدلله كويسه بس ياريت اخد من حضرتك بيانات مؤتمر شرم الشيخ
اااااااااه ششرم...فيها شويه مطاعم انما ايه
ممممممممممم اللهم صبرك يا روح ..أأأأأأأأه فعلا عندك حق يفندم بس ممكن البيانات الفلانيه
الانتو طبخين ايه النهاررررررررررده؟؟؟؟؟
عرفت اناللي فيها أنه بيضللني
قلتلو عزمينك ع الغدا بس حضرتك اديني البيانات
نتي ايه الموبايل دا تبعيه علي كام
واخر مغلب حماررررررررري رحت ماسكه الموبايل ومسجله
طااااااخخخخخخخخخخخخخخخخخ..زبوووووووووووووووووووووووومممممممم
تششششششششششششششششششششش.....دوممممممممممممممممممممممممممم
كانت معكم المراسله فلانه الفلانيه من امام احد مكاتب الموظفين الذين يعتبروا من اسوا المثل للمواطن المصري الذي يمتنع عن الادلاء
ببيانات تخص السيــــــــد المبجل المحترم اللي مهشكنا ومبشكنا فلان الفولاني ونطلب تدخل عاجل من السلطات لنسف هذه النوعيه من
الموظفين.........هههههههههههههههههههههههههههه قلت الكلمتين دول ونا طالعه بجري ونا لا ابالىىىىىىىىى بالحاجات اللي بتترمي عليا من وجيه من ورا..................اه مهو كيد النسا يغلب كيد الرجال
والبادي أظلــــــــــــــــم
معلش طولت عليكم المره دي
انتظروني الحلقه الجيه وصلاه الجمعه في مونت كارلــــــــــــــوووووو

17 comments:

Anonymous said...

بجددددددددد فظيييييعه


بس الكلام ده
كله صحيح ميه فالميه


وايت سماح

Anonymous said...

يا ريتنى كنت معــــــــــاك

:D

كنت خدت لك منه كل المعلومـــــــات

حيطة قال
على مين يا ماما
على نفسه

icehearted..gurl said...

هههههههههههه بس علس اساس ان مين حضرتك؟؟........

مصطفى السيد سمير said...

لا بجد لذيذة فعلا
والألذ انك زميلة في الحاجتين
الطب والتدوين
اتمنى تشرفيني

icehearted..gurl said...

ربنا ركمك يفندم..بالنسبه للتدوين انا جيه حالا وبالنسبه للطب مش عارفه اقول كويس ولا كفاره :D :D

محرراتى said...

قاعد اقرأ البوست واضحك
ربنا يخليكى للطب والغنا
و ....... كفاية كده








محرراتى

icehearted..gurl said...

منور المدونه يفندم :d :D

طب الطب وعرفناها انما ايه موضوع الغنا و....دا؟؟؟؟؟؟؟؟؟

عايش بالأسلام said...

بجد بجد برافوا يا ايس

انا مكنتش اعرف انك تحفه كده
و اله بقالى كتيير ماضحكتش و انتى خلتيني اموت على نفسي من الضحك

مدونة جميله بجد و مجهود اجمل

icehearted..gurl said...

منور المدونه يفندم..ربنا يديم عليك الضحك كمان وكمان..وياريت ميكنش فيه اي سوء تفاهم :d

كفايـة طيبـة said...

هو ايه ده يابنتى ...

احنا كدة معشر الاعلام هييجي ياخدوا دروس اعداد وتقديم عندك بقي

بس بلاش الحيطان ووجيه والاحلام الوحشة دي :D

يلا مستنيين صلاة الجمعه من مونت كارلوا :D :D

انا جيت المدونة اهو ياعم ... وحطيتها فى الفيفوريت كمان .. يلا ان شالله ماحد حوش

كانت معاكى من وراء شاشة الحاسوب

MoMo ;)

icehearted..gurl said...

hahahahhaha...
مومو منوره المدونه ياقمر...وبعدين دنتوا اهل العلم والعلام والاعلام..من بعض ماعندكم يبنتي :d :d

Hussam El Din said...

شكرا على الكلام الجميل دى........ بجد حضرتك عندك تلقائية رائعة

icehearted..gurl said...

ميرسي يفندم علي مرورك بجد منورنا :) ونتمني تشرفنا مره كمان

shahed 7ak said...

هههههههه

انتي شريره اوي يا ايس

طب وجيه ذنبه ايه طيب

هههههههه

Anonymous said...

منور يا شاهد حق

مهو لو حضرتك متابع القصه من اولها

كنت هتعرف وجيه دا عمل فينا ايه زماااااااان

Anonymous said...

الله رائعه جدا ياضحي
thank you ... you brought a smile to my face this morning
بس بصراحه.... سي وجيه دا وكل عينته يستاهلوا اللي يجرالهم

عجبني أوي اقدامك علي الموقف الصعب لما قالوا لكم مطلوب معلوماتات من وجيه... وعمو وجيه عفريت بقي وفاقس اللعبه قام حاطط حارس... عجبني إن احنا ياعمو ويجو مش هنغلب معاك.... يعني
You will be gotten
you'll be gotten
Best of luck ya Ice hearted gurl
its my first time to be here... sure it is not the last... in sha' Allah

icehearted..gurl said...

u r welcome yafndm any time :) and it gives me much pleasure that i can bring the smile to ur face :d:D