Wednesday, September 5, 2007

اليوم الأول.مغسله الانترفيــــــووو..مين هيغسل ومين هيعصر؟؟

الحلقـــــــــــــــــــــــــــــه الأولــــــــــــــــــــــــــــــــــــى
مغسلــــــــــــــــــــــــــــــه الأنترفيـــــــــــــــــــــــــــــــــــو.....مين
هيغســــــل ومين هيعصــــــــــــــــــــــــر؟؟؟؟
متضحكوش علي أذا قلتلكم أن مين هيغسل ومين هيعصر كان أهم سؤالين بيسألوهم
لجنه التحكيم لبعض
اه منتو لو شفتو البصه اللي انا شفتها أول مدخلت....كنتم حسيتم انهم لسه بردين
سنانهم عند الراجل
اللي بيسن السكاكين دا..وركنين الشوكه الحمرا تحت المكتب..وقدامهم 3 دقايق
وهيركبوا المقشه وهيطيــــــــــــــروا
حسيت للحظه انهم سمعين كل اللي بيدور جوايا من نحيتهم..دا طبعا حسيته
من نظرتهم
اللي كل شويه بتتسائل
هاااااااااا مين هيغسلها....؟؟؟؟؟ومين هيعصرهاااااااااا؟؟؟؟؟؟؟؟؟؟.
بقم هما يبصوا...ونا أبص هما يبصوا وأنا أبص..حسيت اني فمهرجان البص الدولي
علي
رأي واحده صحبتنا...لالالالا اجمدي يابت يا ضحي..لازمن تشكميهم من أولها
بس للأسف نتيجه المهرجان كانت محسومه من أولها وطبعا لصالح......بفرق نقاط
رقم كبيـــــــــر أوي مش هلحق أقوله من كتر الاصفار اللي علي يمينه
وفجأأأأأأأأأأأأأأه لقيت صوت بيندهلي
اتفضلي يا دكتوره
دكتوره؟؟؟ شهقه عميـــــــــكه....دكتوره مين يا عم
انتا بتكلم مين
بكلمك انتي يا فندم
انا متشكر جدا وسعيد ان حضرتك شرفتينا في المحطه هنا
مش عارف من غيرك كوننا هنذيع أزااااااى؟؟؟؟؟؟
أحم..أحم طبعا طبعا..أنا تحت أمر الجماهير
خشىىىىىىى يا أنسه واقفلي الباب وراكي وخودي المايك دا وسجلي فيه
بياناتك بصوتك لمده دقيق وبسرررررررعه..مش كفايه متأخره تلات دقايق
أيه دا أيه دا يا دودو تقريبا انا كنت بحلم في الاول.....اه ايوا ايوا
الحلم دا انا حلمته امبارح ولسه كنت عيشه فيه وفقت علي جززززت سنان الراجل
وهوا بيقوللي اقفلي الباب وراكي
دا بقي يبقي استاذ وجيــــــــــــــــه.....أحفظوا بقي الاسم دا كويسسسس أوي لانه
هيكون ليه بااااااااااااع طويـــــــــــــــل في مشواري المستكبلي...
المهم..دخلت وقفلت الباب ورايا وومسكت المايك
وقلت...أيوا قلت دنا قلت قوالاااااااااااااااااا.....
قلت:..................قلت ايه؟؟؟
يالهوي
اسمــــــــى..أأأأأأأأأأأأ.....أنااااااااااا....كنــــــــــــتتتتتتتتتتتتتتتتتتتتتتتتتتتت
هوا فيه أيه؟؟؟؟..نسيت اسمى يا جدعاااااااااااااااااااااااااان..أول القصيده كفررررررر
قعدت اسمي واسمي واسمي بسم الله الرحمن الرحيم...فين وفين اتلميت علي أعصابي
ولسه بقول
لقيت العصيررررر..لالالالا هما مش جابولي حاجه اشربها...انا قصدي العصيررر..يعني
الراجل اللي عليه الدور عشان يعصر..بصللي وقاللي...ستووووووووووووب
قولي نشره اخبارررررررررررر حالااااااااااااااا
نشره اخبار؟؟؟؟ بسيطه...نشره اخبار :d
طبعا مش هقولكم الوش الجبس طلع لان الوش الاولاني كان حديد صلب...فلكم أن تتخيلوا
الوش الجديد اللي طلع مصنوع من أنهي ماده خااااااااااااااااااااام
نشره ايه يا عم؟؟؟ رحت مسكت المايك وبمنتهىىىىىىىى الثقه قلت اخباري انا وصحابي
ههههههههههههههههههههههههههههههههه اه واللله
بصولي حتت دين بصه....بس الحمدلله ولا حد رقعني قلم ولا حد اتوصي
المهم بقي كان قاعد في لجنه التحكيم واحد اللي هوا جبني اساسا الانترفيو..لأ وقال أنا كنت
مش عارفه اشكره أزاي ع الفرصه دي لحد طبعا مدخلت المكتب...انما ونا جوا كنت كللللللل
شويه افقع بصه مابين اللوم وبين التحايل وبين ارحموني وبين انا عاوزا اروح
لمامااااااااااااااااااااا........عاااااااااااااااااااااااااااااااااااااااااااااااااااااااااا
وطبعا انتم فهمين اللي حصل بعد كدا في الانترفيو سواء في تسجيلات..ولا معلومات عامه
ولا مواقف محرجه...زي مثلا لو دخل عليكي كلب في الاستديو ولا موبايلك رن هتعملي ايه
ولا لو حد عاكسك في تليفون ع الهوا وكدا يعني...
المهم اني بعد كووووووووووول دا
بجد بجد عرفت والله قيمـــــــــــــه الطــــــــــــــــــــب
وجت اللحظه اللي قالولي فيها
اتفضلي
الانترفيو خلصصصصصصصصصصص
ياااااااااااااااااه..أشهد أن لا أله ألا الله
طلعت أجرررررري ونا عماله اقول ان شاء الله يا بت يا ضحي هتكوني دكتوره
شاطره..اه خليكي واثقه فنفسك...انا باكينام ونا ماسكه فنفسي
وهحضر ماجستير
وهبقي غنيه
واشتررررري الاذاعه المصريه كوللللهااااااااااااااااااااااااااااااا
اه اومال انتو فكرين هاخد بتاري أزاي
بعد مكنت لما حد بيسألني هتتخصصي فأيه
اقوله هوكي والعاب قوي
من كتر كرهي للطب
يلا خير
فكرتوني بالذي مضي
اشوفكم بقي الحلقه الجيه
مابعد الانترفيو وشماته أبله ظاظا فيااااااااااااااا

7 comments:

Anonymous said...

اسلوبك جامد يا ضحي في الكاتبه بجد حلو اوي
وكمان ماله الطب مهو زي الفل وهتطلعي حكيمه اد الدنيا
نزلتي راس حيدر باشا في الارض

متسدنليش بقي لما تتشهري وتنسي الجزمه واللبس اللي شحتهملك علشان تروحي بيهم الانترفييو

icehearted..gurl said...

ههههههههه أولا منوره المدونه يا قمر

ثانيا يا ستي طب ايه اللي انتي جيه تقولي عليه..لأوكمان هتخرجيني بعد سبع سنين حكيــــــــمه؟؟؟يعني محصلتش ممرضه كمان

وبعدين بالنسبه للجزمه اللبس فهما في الطريق...بس بعد كدا متتعوديش تسرقي هدوم اصحاب البيت اللي بتشتغلي فيه عشان تسلفي أصحابك يا حاجه :p :p :p

Dr cool said...

قال على راي المثل

يا ناكر خيري بكرة تعرف زمني من زمن غيري

مش الشفوي بتاع الفارما كان أحسن و للا الإي إن تي ، اسم النبي حارسه و صاينه

المهم ما قولتيش جاوبتي الأسئلة إزاي بتاعة الكلب في الاستوديو و الواد الخنيق اللي بيعاكس

ع العموم ، بالشفا إن شاء الله

و في انتظار بقية حلقات يوميات موذيحااااااا

icehearted..gurl said...

ههههههههههههههههههه حضرتك قلبك اسود اوي يا عمرو...والله مكنوش يفرقوا كتير عن امتحان الفارما لانني انطردت في اول خمس دقايق..فكان الحال من بعضه...بالنسبه بقي للاسئله انا جاوبت وخلاص بس عرفت بعد كدا انها الاجابه المطلوبه يعني مش عارفه ازااي :p :p :p

مثلا سؤال الكلب دا قلت اني هعمل عبيطه ولا كأنهموجود وهتجاهل وجوده تامامااااا ودي مش مسئوليتي دي مسئوليه الكاميرا مان وبعدين ستوديو ممنوع تدخل فيه كبايه ميه فازاي هيدخل كلب؟؟؟؟؟؟.....

ثانيا الواد اللي بيعاكس كان علي اعتبار ان الاتصال اثناء مقابله مع رئيس الجمهوريه...قلت ان لو الشخص الي اتصل حد من اصدقائي هقلبها بهزار وابين للناس مدي الحميميه بيني وبين اصحابي عشان اخد حب الناس انما لو حد قاصد يعمل مقلب بقي....هقوله: يفندم وانا بحترم حضرتك جدا جدا احنا كلنا شعب واحد ولازم نحب بعضه ...وطبعا دا كلو تحت قياده حب الرئيس اعزه الله واطا ل عمره :p :p :p

بس بعد كدا بعد البرنامج هجررررررري اخد نمره تليفونه من الكنترول روم واكلمه..هواحد لاقي يابا...هههههههههههههههههههههههههه

Anonymous said...

سلااااامو عليكم ورحمه الله

ازيييييك يا ضحى يا بنت الايييييه وحشاااااااانى وانتى ولا كانك تعرفيننننى عالعموووم لك يوم يا ظاااااااالم

طبعا انتى مش محتاجه اقولك راى لانك عارفه جمييييييل وبيفطس من الضحك بس انا زعلانه منك بجد

لانى عايزة اسمع صوتك فالتليفون مش الاذاعة هههههههههههه

وبعدين فاتنى البرنامج بتاعك لانى قريت الموضوع متاخر وانتى ما كنتيش مبلغاااااانى


على العموم اشوف وشك بخيررررررر وهانتظر باقى الحلقات

Anonymous said...

اه على فكرة انتى عرفتينى ولا لاااااااا طيب فكرى شوووويه

icehearted..gurl said...

:D :D ;d